Пунктот во Момин Поток отворен 24 часа до завршување на студениот бран
Пунктот за бездомни лица во Момин Поток ќе биде отворен 24 часа до завршување на студениот бран, за прифаќање на лицата кои имаат потреба да бидат згрижени во деновите кога температурите паѓаат под нулата.
Како што информираат од Град Скопје, тимови од пунктот со возило ги преземаат бездомниците од местата каде што се лоцирани, а бездомниците може да го повикаат тимот на телефонскиот број 3139 578 во Дирекцијата на Црвениот крст на град Скопје.
Пунктот за бездомни лица функционира веќе осум години. Тој е отворен преку целата година и лицата два пати неделно може да користат услуги за одржување хигиена, медицинска заштита и лекови, облека, психолошка поддршка, правна помош, фризерски услуги, како и дневен оброк кога лицето е во пунктот. Во 2010 година од буџетот на Град Скопје се набавени и целосно опреми два контејнера со 16 кревети и бања.
Досега, со поддршка на Град Скопје, 8 лица се работно ангажирани во јавните претпријатија. Оваа практика, како што информираат од Град Скопје, е планирано и во иднина да продолжи и да им помага на оваа категорија граѓани. Црвен крст на Град Скопје, кој е координатор на активностите на Пунктот за бездомни лица во Момин Поток, секоја година е поддржан со 500.000 денари од буџетот на Град Скопје.
Градот Скопје, како што се наведува во соопштението, и во иднина од буџетот ќе издвојува средства за финансирање на овој пункт и за проширување на неговите капацитети, односно за помагање на оваа категорија граѓани и на сите граѓани коишто имаат потреба да бидат згрижени.
АКО САКАТЕ НАВИСТИНА ДА ПОМОГНЕТЕ, НАЈМАЛКУ ШТО МОЖЕТЕ ДА СТОРИТЕ Е ДА ЈАВИТЕ ВО ЦРВЕНИОТ КРСТ КАДЕ И КОМУ МУ ТРЕБА ПОМОШ ИАКО И БЕЗ ВАС ТИЕ СЕ ПОСТОЈАНО НА ТЕРЕН И ИМ ПОМАГААТ. ЗА РАЗЛИКА ОД ВАС, ЧИЈА СОВЕСТ ВУЛГАРНО РАБОТИ САМО НЕКОЛКУ МИНУТИ ВО ЗАВИСНОСТ ОД ЛАЈКОВИТЕ КОИ ГИ ДОБИВАТЕ ОД СЛИЧНИ ДЕГЕНЕРИЦИ, НЕКОЈ ПОСТОЈАНО Е НАДВОР И ПОМАГА.
ЗАТОА ИЛИ РАШИРЕТЕ КАКО МОЖЕ ДА СЕ ПШОМОГНЕ ИЛИ ВОЛОНТИРАЈТЕ, ВО СЕКОЈ СЛУЧАЈ СМРДЛИВАТА ШАХТА ОД КОЈА ТРЕБИТЕ ФОНТОВИ НЕ ПРАВИ НИШТО ОСВЕН ШТО ЗАГАДУВА ОКОЛИНА - МЕНТАЛНО - #sarenadebilaana