Денеска ново задолжување на државата од 44,7 милиони евра

Министерството за финансии објави дека денеска ќе издаде 12-месечни државни записи во вредност од 27,3 милиони евра и записи со рок на достасување од 5 и 15 години во вкупна сума од 17,4 милиони евра.

Веќе утре државата треба да врати 32,5 милиони евра од стари задолжувања и дополнителни 7,8 милиони евра до крајот на месецот.

ВМРО-ДПМНЕ ја обвини Владата дека секој ден ги задолжува граѓаните по еден и пол милион евра. Од СДСМ одговараат дека новата влада одговорно управува со парите за разлика од владата на ВМРО ДПМНЕ која ги задолжуваше граѓаните за луксуз и споменици.