Новата ѕвезда на бугарската политичка сцена, го имаме регистрирано уште на он.нет, кога се пробуваше како певец. Му објавивме видео спот за кој го пишавме ова:
Видео спот на најпопуларниот треш водител во Бугарија Слави Трифонов кој решил да ја отпее македонската народна песна "Јовано, Јованке". Спотот е ултра - патетичен и изгледа како да го правел некој кој бил принуден истовремено на два монитора да ги гледа "Saving Private Ryan" и "Blackadder".
Сценариото на спотот не враќа во 1917, годините на Првата светска војна....330.000 Англичани, Французи и Срби "атакуваат блгарските позиции на фронта краи Доиран." И, како што e нормално за еден виц - "Блгарите побеждават" :)
Сето време, ќелавата пејачка позната како Слави, со бугарски шлем на бугарска глава, седи во ров, околу него пичат гранати а тој цвили "Иовано, Иованке".
Додуша, спотот е троа тежок (9,8 MB), ама ние сме народ кој никогаш не штедел на Бугари/ Бугарки :)
Едит од 2021 (за последната реченица): Тогаш интернетот беше на грамажа и за да натераш луѓе да симнат нешто потешко од 4 мега, требаше да се потрудиш да ги убедиш дека вреди да кликнат.