ВМРО-ДПМНЕ обвинува за нови сомнежи за несреќата во Бугарија

Дали бизнисот со хероин кој го крие власта е причина за несреќата и 45 загинати патници во Бугарија? Никој во државата не одговара за сомнежите дека автобусот кој изгоре во Бугарија при што животот го загубија 45 наши сограѓани превезувал високозапаливи течности – киселини, кои се користат за производство на хероин, се вели во партиското соопштение.

Високозапаливи киселини кои инаку се користат за производство на хероин можеби се причината за експлозијата и несреќата во кој загинаа 45 патници на македонскиот автобус на „Беса Транс“ во Бугарија, обвинува ВМРО-ДПМНЕ во партиско соопштение утринава, барајќи одговорност за челниците од власта за фактот дека над 135 пати границата била негелално преминувана:

„Кого владата на СДСМ упорно штити во автобуската несреќа?

Дали бизнисот со хероин кој го крие власта е причина за несреќата и 45 загинати патници во Бугарија?

Никој во државата не одговара за сомнежите дека автобусот кој изгоре во Бугарија при што животот го загубија 45 наши сограѓани превезувал високозапаливи течности – киселини, кои се користат за производство на хероин.

Дали тие киселини се причината поради која според очевидци на настанот силно горел автобусот, но и банкините на патот?

Зошто автобусот 140 пати поминувал граница без дозвола? Кој дозволувал 140 пати да се поминат сите контроли?

Зошто и по неколку дена од несреќата нема одговорност, ниту одговори од владата и институциите во земјава?

Кој во врвот на власта го штити Беса транс? Оставки веднаш!“, се вели во соопштението на партијата.

КОМЕНТАРИ