ИМПРЕСИИ ОД КОНЦЕРТОТ НА ЖАН МИШЕЛ ЖАР ВО СКОПЈЕ 2016

Мина цел мој живот пред да се здобијам со совршено преклопување на просторот и времето за да застанам пред подиумот на јунакот на мојата младост.

Знаете, кога се појави и кога после 3-4 албуми стана многу повеќе од светска сензација, веќе не го ни перцепирав дали е добар или лош, дали вреди или не, едноставно, заедно со моите јунаци од тоа време, Крафтверк, Парпл, Цепелин, Флојди, беше дел од мене, дел од моето опкружување, како семејство, најдобар пријател, прв автомобил  ... едноставно Е,  дел од мојот живот. Едно е некого да обожаваш, но друго е да растеш со него. Со Жан, јас споделив скоро се во животот.

Но со години наслојуваме дебела кожа, која намалува нивото на чуствителност, се потешко примаме нови пријатели, не сме толку отворени за нови музики, револуции, уметнички правци, интереси, колку и да се трудиме, она што ни го остави првиот белег, остана траен.
 

Затоа дојдов на неговиот концерт како на прослава кај стар пријател кој не сум го видел со децении ... и останав зашеметен.

turntable mat ( подлога за грамофон, антистаик и дампер) со своерачен потпис од Жар лично

Жар има 68 години и кога мислиш дека се кажал во животот како творец, во смисла на себеоткривање, го видов со толку многу елан, енергија, живот и креација во себе одошто многумина кои ги познавам.

Искрен, топол, непосреден. Мислиш уметник од ваков калибар ќе биде студен и дистанциран, како концертот на Крафтверк на времето, оти и доликува со камерна електроника, но ништо од тоа, се однсеуваше топло, понесен од публиката иако постполно профи, но и човечки.

Ма ја спомна нашава Македонија по име и тоа го повтори повеќе пати што предизвика еуфорија во публиката. Немаше баш никакви комплекси да не огласи со нашето име, нешто што и денес е реткост, како Јан Гилан кој чиниш дошол на Тера Инкогнита која допрва чека крштевка, арогантно небаре е меѓу некое африканско племе. 

А Жан, прекрасен, енергијата на овие позни креативни и човечки години го натера да направи одскок, направи суперамбициозен прект наречен Електроника, составен од два дела, изададен во период од две години каде ги собра скоро сите фаци во светската музика кои оставиле своевидна трага. Тежината на имињата кои учествуваат на неговиот проект како соработници, со секој од нив заеднички направија песна, создава чуство дека земјата под вас тектонски се пореметува. Симнете ги капите и да се поклониме на елитата на музиката на светот

ELECTONICA 1 - TIME MACHINE

1.

 ELECTRONICA 2 - THE HEART OF NOISE

1.

• "As One" contains samples from "Come Together" by Primal Scream

Знаев дека вокалните делници на темите од новиот албум нема да може ги проследи и ќе ги покрива со стари хитови, бидеејќи мислам дека ни Жар нема да успее да направи концерт-спкетакл со сите нив на сцена, (некои и се во тешка здраствена состојба), но нејсе, овој човек правел чуда кога се во прашање спектакли, како во Хјустон и Париз со по милон посетители. Но успеа да ги протне Пет Шоп Бојс на сцена со интересна видео анимација и како тоа беше изведено, длабок респект.

Визуелно концертот беше нешто невидено, барем за овие простори, неверојатно осмислено и технички напредно и прогресивно. Повеќе наликуваше на видео арт инсталација одошто осветлување за поп концерт. Ќе го видите видеото од концертот и пак нема да сватите колку сте се заебале што не бевте таму, бидеејќи тоа е како да ви раскажувам 3Д да гледате на 2Д. Буквално.

Систем од ласерски и светлосни прозрачни мрежи и завеси во неколку слоја, подвижни по сцената на која се проектираа ласери, скенери, фокусирани лед проекции кои целата сцена ја направија во гигантски 3Д екран, невероајтна визулеизција за секоја песна, арт игра со светлина и проекција каква ретко се гледа.

Сеуште не можам да откријам кој е уметникот кој стои зад овој концепт, иако знам дека и самиот Жар огромен дел од времето посветува на визуелизација.

Би сакал малку познавачи на современата уметност во прогресивни форми да се изјаснат за ова затоа што надминува, далеку надминува вообичаено сценско осветлување и ефекти, зад ова стои сериозна уметност и дизајнерски проистап. гледајте го видеото кое го приложив, но верувајте, навистина треба 3д камера да се долови. Затоа искрено се надевам дека ќе изаде најмалку 3Д Блуреј или двд од турнејава. Заслужува ова.

сувенир, маичка со испишани местата од трунејата, секако .. Mакедонија е тука

А он нема да не заборави долго време, никако нема да може да ја избие онаа позитивна, музички писмена, искрена, преполна со позитивна енергија публика. Неверојатна беше слоевитоста на генрации и уште пубаво, непристноста на гратисџии.

За организацијата не можам да кажам ниден збор затоа што беше невидлива, се беше најнормално, како да си во парк, никој никому не смета, редарите невидливи, а сепак коректно си ја извршуваа задачата. Браво за организацијата, браво за публиката, ова беше ноќ за паметење. Долго ќе се говори за овој настан колку и да звучам патетично.

Жан долго се испраќаше со нас, делеше бакнежи, поздрави, се поклонуваше се враќаше на бис но не го пуштавме. Викаше нема више, готово , фајронт, одете си дома, фала многу, благодарам, (а колку преброив користеше неколку фрази кон нас - Вива Македија, Благодарам, Здраво ...). Не дигна и не тресна од земја и како автор и као диџеј и како музичар и како фронтмен, ендоставно ни ја погоди жичката, а ние рипавме, скокавме и игравме како мали деца на роденденска забава преполни со јаглени хидрати кои родителите на сила ги тераат да си одат, а ние кенкаме, не ни се оди, ни се погоди играњето, сакаме уште, добро е, одлично, уште еднаш уште еднаш...

Читајте ги стручните критики од некои светски музички магазини ако сакате да се информирате детално,  нашите медиуми се "труби" за музика и концерти бидеејќи ретко кој денес слуша, купува, следи, познава музика, дише музика.

А за ваков настан не се оди професионално со студена глава и смирено срце.

Неговите концерти вообичаено се преспекатуларни и преамбициозни,  но оваа форма му дозволи да биде фулл конткат со публиката и тоа е можеби најдобрата одлука во неговата кариера. А јас, јас ќе ги стискам неколкуте тескитлни спомени и предмети кои ги купив, во годините кои одат, ако почне сеќавањето да ме издава, да имам некакво сидро да се задржам дека сум живеел живот каков што сум сакал, дека сум бил со луѓе кои сум ги сакал и со нив сум делел она што било дел од моето растење, живеење. Жан Мишел во сите периоди на мојот живот е пристуен, едноставно нема празен прсотор, Радост, тага, слава ... затоа е како близок пријател. Ја споделив таа вечер со оние кои најмногу ми значат, играв, пеев, танцував, гушкав, љубев, живеев со полни гради ... за ова вреди да живееш!

Драго ми е што го запознав, имењакот Жан ;) (Жан Jан Јане Јанко ) и се надевам дека пак ќе дојде, после вакво честење со енергија каква ја доби од нас, не верувам дека ќе се двоуми. Впрочем, на 2 декември излегува неговиот најнов албум Оксижен 3. А тоа ќе бара уште една промо турнеја, зарем не.

Еден посебен лик од Битола по име Зоран, му ветив дека ќе објавам фотката

шлеперите со опрема со британски таблички делуваа импресивно пред влезот и само го потврдуваа чувството дека ќе има хај фај и 3Д

 визуелизација на набљудувачите од еквинокс

возбудени со Лиде на крајот на концертот го враќавме на бис, каква вечер, каkва вечер - незаборавно

ENTERPRISE EMBROIDERED ZIP UP JACKET за спомен и коски измрзнати

сајбер футуризам

 Пред концертот. Прекрасна публика, ниту еден инцидент или екцес, но преполни со огромна позитивна енергија сите до еден се забавуваа. На сцената Диџеј кој не го исперцепиравме иако беше извонреден, ама сите го чекавме жарот на вечерта.

видео арт со камери кои снимаа во живо