Шпанската цивилна гарда во текот на утрото ги нападна гласачките места и повикувајќи се на судскиот налог, го одзема гласачкиот материјал.

Полицијата испалила куршуми обидувајќи се да ги отстрани демонстрантите кои сакале да ги спречат полициските возила со конфискуваниот гласачки материјал да се оддалечат од избирачкото место.

 

Шпанскиот весник Периодико, исто така, јави дека полицијата користела гумени куршуми против неколку луѓе на една раскрсница во Барселона.

На самото место е шпанската полиција, како и цивилната гарда, а Барселона ја надлетуваат хеликоптери.

Каталонската влада ги повика гласачите да гласаат на било кое избирачко место што е отворено во случај шпанската полиција претходно да го затворила нивното избирачко место.

Почетокот на гласањето за независност на Каталонија во Барселона е проследено со апсење и оддалечување на луѓето од избирачките места, додека гласањето низ целата покраина е попречено и со проблеми со интернет.