Таа, како што пишуваат хрватските медиуми, родното Скопје, метропола од околу 600 илјади жители го замени со Суќурај, каде што има вкупно околу 300 жители. 

Во изјава за 24сата.хр Војновска вели дека е задоволна, сака мирен живот и среќна е што ќе работи на Хвар. 

„Роднините во Македонија беа многу скептични, не им беше баш драго што заминувам. Но, потоа ја прифатија мојата одлука и еве, тука сум и убаво ми е”, изјавила Војновска. 

Нејзините први впечатоци со пациентите се одлични, а додава дека нема проблем ни со јазикот, бидејќи последните неколку месеци ги поминала во Хрватска, во Сплит, каде што работела на нострификација на дипломата. 

„Требаше да ја нострифицирам дипломата, па следуваше процедура на прознавање на приправничкиот стаж, а потоа и полагање на државниот испит за доктор по медицина. Откако се положив и собрав се пријавив на огласот. Работата ја добив веднаш, но чекав уште малку за работна дозвола и тоа е тоа”, вели докторката Војновска.

За работата во Суќурај таа има обезбедено стан веднаш зад амбулантата, плата и годишен бонус од околу 6.700 евра.