Европската Унија денес презема дополнителни чекори кон укинувањето на летното и зимското сметање на времето.
Одборот на Европскиот парламент денес изгласа со 23 гласа „за“ и 11 „против“ во 2021 година да се укине поместувањето на часовникот кое со децении се случуваше двапати годишно, на пролет и во есен, јавуваат агенциите.
Останува на пратениците да одлучат кое време – летното или зимското – ќе биде усвоено во иднина, а во ЕУ постојат разидувања околу тоа кое од двете времиња треба да стане стандард.
Голем број држави членки го воспоставија менувањето на времето за време на нафтената криза во седумдесеттите, како обид да заштедат енергија.
Од 1996 година сите земји членки на ЕУ истовремено го менуваат своето време.
Предлогот сега оди во Европскиот парлемент и парламентите на земјите членки на ЕУ.