Архитект од Белград објасни зошто се случи катастрофа во Драч

Белградскиот архитект Небојша Глишиќ е огорчен од глетката на урнати згради по земјотресот што ја погоди Албанија.

Глишиќ во својата објава на Фејсбук потенцира дека во последните десетина година ширум светот „не убиваат земјотресите, туку корупцијата во градежништвото“.

Освен на земјите во развој, тоа се однесува посебно и на земјите од поранешниот социјалистички блок, т.е. на поранешните југословенски републики од 1990 година па наваму.

„Првата слика говори дека целосно нов објект потклекнал под тежината на катовите, очигигледно е без адекватни сеизмички платна, хоризонтални и вертикални армиранобетонски сирклажи кои би ги прифатиле моќните сили на земјотресот. Само се склопило, онака како што можат да се склопат катовите на постари објекти на кои се наѕидани силни катови“, напиша тој.

Познатиот белградски архитект кој последните децении учествувал или потполно конструирал многу објекти низ Србија за западноевропските големи компании, наведува  дека, дури и кога во зградите се вградуваат и големи количества бетон и арматура, катастрофата во случај на земјотрес е гарантирана ако на зградата и се „тенки колената“.

„На првите фотографии е вткаена сета моја децениска борба со аматерите во работата, со ситното користољубие, бедни заштеди во арматура, серклажи, сеизмички платна. Милион пати сум се сретнал со прашањето: зошто толку арматура и бетон? Еве зошто. Не се случува секој ден, но кога ќе се случи, однесува човечки животи и прави неизмерни штети. Да се работело според прописите, сите овие згради, повредени и мртви во нив, сега би биле живи и здрави. Освен ситни пукнатини и попаднати работи во становите и куќите, ништо посериозно немаше да се случи. Денеска би имале дом и живот“, напиша Глишиќ.