„МОЈ И ГОЛЕМ ПРИЈАТЕЛ НА МАКЕДОНИЈА“ Николовски во Скопје се сретна со Чавушоглу

Вицепремиерот и министер за транспорт Александар Николоски остварил средба со Мевлут Чавушоглу, пратеник во Турскиот парламент и поранешен министер за надворешни работи на Република Турција, кој се наоѓа во неофицијална посета на Скопје.

– Пријателски разговор со Мевлут Чавушоглу, пратеник во Турскиот парламент и поранешен министер за надворешни работи на Република Туркије. Разговаравме за долгогодишната соработка помеѓу двете држави како и за можностите за засилена соработка во делот на економијата и потенцијални нови инвестиции. Соработката и пријателството помеѓу двете држави и во иднина ќе ги зајакнуваме и продлабочуваме, напиша на фејсбук профилот, Николоски.